40r: Pal.gr.367 — Definita da Canart bouclée,

Resource type:: Annotation
Manuscript:: Pal.gr.367
Annotation text:: Definita da Canart bouclée, la scrittura qui presente è una grafia dall’aspetto barocco, di base corsiva, inclinata a destra, a contrasto modulare e ricca di legature.
Section:: 40r-45v Iohannes Damascenus: Expositio fidei (excerpta)

Altre annotazioni in questo foglio

Titoli in rosso, iniziali in rosso nel margine.
Τοῦ αγ(ίου) ἰω(άννου) τοῦ δαμασκηνοῦ· περὶ φωτὸς
πυρός · φωστήρων · ἡλίου · σελήνης · καὶ ἀστέρων
Τὸ πῦρ, ἓν τῶν τεσσάρων στοιχείων ἐστί · κοῦφόν τε καὶ ἀνωφερέστερον τῶν λοιπῶν ·
καυστικόν τὲ καὶ φωτιστικόν · τῆ πρῶτη ἡμέρ(ᾳ) ὑπὸ τοῦ δημιουργοῦ
κτισθέν, φη(σὶ) γὰρ ἡ θεία γραφή· καὶ εἶπεν ὁ θ(εὸ)ς γενηθήτω φῶς ·
καὶ ἐγένετο φῶς · οὐχ᾿ ἕτερον γάρ ἐστι τὸ πῦρ, εἰ μὴ τὸ φῶς · ἐν ἀρχῆ μὲν οὖν
ἐποίησεν ὁ θ(εὸ)ς, τὸ φῶς · ἤτοι τῆ πρώτη ἡμέρ(ᾳ) · καλλωπισμὸν καὶ κόσμον,
πάσης τῆς ὁῥατοῖς κτίσεως. ἄφελε γὰρ τὸ φῶς, καὶ πάντα ἐν τῷ σκότει
μένουσι ἀδιάγνωστα · τὴν οἰκείαν μὴ δυνάμενοι εὐπρέπειαν ἐπιδείξασθαι ·
ἐκάλεσε δὲ ὁ θ(εὸ)ς τὸ μὲν φῶς, ἡμέραν · τὸ δὲ σκότος ἐκάλε(σε) νύκτα · σκότος δέ
ἐστὶ, οὐκ οὐσία τίς · ἀλλὰ συμβεβηκός · φωτὸς γάρ στέρησις ἐστιν ·
ὁ γὰρ ἀὴρ, οὐκ ἐν τῆ οὐσία αὐτοῦ ἔχει τὸ φῶς · αὐτὸ γοὖν τὸ ἐστερεῖσθαι τὸν
ἀέρα φωτὸς, σκότος ἐκάλεσεν ὁ θ(εὸ)ς · οὐχ᾿ ἡ οὐσία τοῦ ἀέρος ἐστὶ σκότος
ὅπερ συμβεβηκὸς μᾶλλον δηλοῖ, εἴπερ οὐσίαν · οὐκ ἐκλήθη δὲ πρώτη ἡ νύξ ·
ἀλλ’ ἡ ἡμέρα · ὥστε πρώτη ἐστὶν ἡ ἡμέρ(α), καὶ ἐσχάτ(η) ἡ νύξ · ἀκολουθεῖ
οὖν ἡ νὺξ τῆ ἡμέρα · καὶ ἀπαρχῆς τῆς ἡμέρας ἕως τῆς ἄλλης ἡμέρας,
ἓν νυχθήμερον ἐστίν · ἔφη γὰρ ἡ γραφή · καὶ ἐγένετο ἑσπέρα καὶ ἐγένετο
πρωί ἡμέρα μία · ἐν μὲν οὖν ταῖς τρισὶν ἡμέραις ἀναχεομένου καὶ συστε
λλομένου τοῦ φωτὸς, τῶ θείω προστάγματι ἥ τε ἡμέρα καὶ ἡ νὺξ ἐγίνετο +
Τῆ δὲ τετάρτη ἡμέρα, ἐποίησεν ὁ θ(εὸ)ς τὸν φωστῆρα τὸν μ(έ)γ(αν) · ἤτοι τὸν ἥλιον,
εἰς ἀρχὴς καὶ ἐξουσίας τῆς ἡμέρας · δι’ αὐτοῦ γὰρ ἡ ἡμέρα συνίσταται · ἡμέρα
γάρ ἐστιν, ἐν τῷ τὸν ἥλιον ὑπὸ γῆν εἶναι καὶ διάστημα ἡμέρας ἐστὶν, ὁ
ἀπὸ ἀνατολῆς μέχρι δύ(σε)ως, ὑπὲρ γῆν τοῦ ἡλίου δρόμος · καὶ τὸν φω
στῆρα τὸν ἐλάσσω · ἤτοι τὴν σελήνην καὶ τοὺς ἀστέρας, εἰς ἀρχὰς καὶ ἐξουσίας
τῆς νυκτὸς · τοῦ φωτίζειν αὐτήν · νὺξ δέ ἐστιν, ἐν τῶ τὸν ἥλιον
ὑπὸ γῆν εἶναι· καὶ διάστημα νυκτός ἐστιν ὁ ἀπὸ δύσεως μέχρις ἀνατολῆς,
ὑπὸ γῆν τοῦ ἡλίου δρόμος +