1r: Vat.gr.1 — La decorazione è tracciata

Other annotations on this folio

• Πλάτωνος νόμων α̅ ἢ περὶ νομοθησίας :-

• Θεὸς ἤ τíς ἀνθρώπων ὑμῖν ὦ ξένοι εἴληφε τὴν αἰτίαν τῆς τῶν

• νόμων διαθέσεως: θεὸς ὦ ξένε θεὸς ὥς γε τὸ δικαιότα

• τον εἰπεῖν· παρὰ μὲν ἡμῖν ζεύς· παρὰ δὲ λακεδαιμονίοις·

• ὅθεν ὅδ᾿ ἐστίν οἶμαι φάναι τούτους ἀπόλλωνα· ἦ γάρ: ναί:

• μῶν οὖν καθ’ ὅμηρον λέγεις ὡς τοῦ μίνω φοιτῶντος πρὸς τὴν τοῦ πα

• τρὸς ἑκάστοτε συνουσίαν δι’ ἐνάτου ἔτους· καὶ κατὰ τὰς παρ’ ἐ

• κείνου φήμας ταῖς πόλεσιν ὑμῖν θέντος τοὺς νόμους: λέγεται

• γὰρ οὕτω παρ’ ἡμῖν· καὶ δὴ καὶ τὸν ἀδελφόν γε αὐτοῦ ῥαδάμαν

• θυν ἀκούετε γὰρ τὸ ὄνομα δικαιό τατον γεγονέναι· τοῦτον οὖν

• φαῖμεν ἂν ἡμεῖς γε οἱ κρῆτες ἐκ τοῦ τότε διανέμειν τὰ περὶ

• τὰς δίκας ὀρθῶς τοῦτον τὸν ἔπαινον αὐτὸν εἰληφέναι: καὶ καλόν

• γε τὸ κλέος· υἱεῖ τε διὸς μάλα πρέπον· ἐπειδὴ δ᾿ ἐν τοιούτοις

• ἤθεσι τέθραφθε νομικοῖς σύ τε καὶ ὅδε. προσδοκῶ οὐκ ἂν

• ἀηδῶς ἡμᾶς περί τε πολιτείας τὰ νῦν καὶ νόμων τὴν δια

• τριβήν λέγοντάς τε καὶ ἀκούοντας ἅμα κατὰ τὴν πορείαν ποιή

• σασθαι· πάντως δ’ ἥ γε ἐκ κνωσοῦ ὁδὸς εἰς τὸ τοῦ διὸς ἄντρον καὶ

• ιερόν· ὡς ἀκούομεν, ἱκανή· καὶ ἀνάπαυλαι κατὰ τὴν ὁδόν· ὡς

• εἰκὸς, πνίγους ὄντος τὰ νῦν. ἐν τοῖς ὑψηλοῖς δένδρεσίν εἰσι

• σκιαραί· καὶ ταῖς ἡλικίαις πρέπον ἂν ἡμῶν εἴη τὸ διαναπαύεσθαι

• πυκνὰ ἐν αὐταῖς· λόγοις τε ἀλλήλους παραμυθουμένους τὴν

• ὁδὸν ἅπασαν οὕτω μετὰ ῥαστώνης διαπερᾶναι: καὶ μὴν ἔστιν γε

• ὦ ξένε προιόντι κυπαρίττων τε ἐν τοῖς ἄλσεσιν ὕψη καὶ κάλλη

• θαυμάσια· καὶ λειμῶνες ἐν οἷσιν ἀναπαυόμενοι διατρίβοιμεν

• ἄν: ὀρθῶς λέγεις: πάνυ μὲν οὖν· ἰδόντες δὲ μᾶλλον φήσομεν·

• ἀλλ’ ἴωμεν ἀγαθῆ τύχη: ταῦτ’ εἴη· καί μοι λέγε· κατὰ τί τὰ ξυς

• σίτιά τε ὑμῖν συντέταχεν ὁ νόμος καὶ τὰ γυμνάσια· καὶ τὴν τῶν

• ὅπλων ἕξιν: oἶμαι μέν ὦ ξένε καὶ παντὶ ῥάδιον ὑπολαβεῖν

• εἶναι. τά γε ἡμέτερα· τὴν γὰρ τῆς χώρας πάσης κρήτης φύ

• σιν· ὁρᾶτε ὡς οὐκ ἔστι καθάπερ ἡ τῶν θετταλῶν πεδιάς διὸ

• δὴ καὶ τοῖς μὲν ἵπποις εκεῖνοι χρῶνται μ[ᾶ]λλον· δρόμοισιν δὲ.

• ἡμεῖς· ἥδε γὰρ ἀνώμαλος αὖ καὶ πρὸς τὴν τῶν πεζῆι δρόμων ἄσκησιν

• μᾶλλον σύμμετρος· ἐλαφρὰ δὴ τὰ ὅπλα ἀναγκαῖον ἐν τῶι τοι

• ούτωι κεκτῆσθαι καὶ μὴ βάρος ἔχοντα θεῖν· τῶν δὴ τόξων καὶ

• τοξευμάτων ἡ κουφότης ἁρμόττειν δοκεῖ· ταῦτ’ οὖν πρὸς τὸν

• πόλεμον ἡμῖν ἅπαντα ἐξήρτυται· καὶ πάνθ’ ὁ νομοθέτης· ὥς

• γ’ ἐμοὶ φαίνεται, πρὸς τοῦτο βλέπων συνετάττετο· ἐπεὶ καὶ τὰ ξυσσί

• τια κινδυνεύει ξυναγαγεῖν ὁρῶν ὡς πάντες ὁπόταν στρατεύωνται,

• τόθ’ ὑπ’ αὐτοῦ τοῦ πράγματος ἀναγκάζονται φυλακῆς αὑτῶν